दाँत देखिएको बेला
संसारका कोही चाहिन्नन न त कुनै सिमाना रहन्छ मात्र उर्जा हुन्छ र हाँसो ओठमा निकै मोहितपूर्ण आभास हुन्छ अनेक आत्मियता अनी मन बिचार मुक्त हुन्छ दाँत देखिएको बेला। अर्को त्यो क्षण जब ओठ टालिन्छन र दाँत ढाकिन्छन अाफ्नै नाकको अस्तित्व देखिन थाल्छ अनेक आँकलन अनी सोचहरु सही अनी गलतका तौलहरु मन खिन्न बनाइजान्छ डरको त्यो पिँजडामा मलाई राखेर आत्तिन्छु म अतालिन्छु अनी फेरी दाँत देखाउँछु उही न्यानोपन फर्केर आउँछ।। भावनाहरु अनगिन्ती होलान तर महत्वपूर्ण हाँसो नै रहेछ भनी निराशाले मलाई सिकायो धेरै माध्यमछन यि ओठ मुस्कुराउनुको र हरेक तिनका कारण पनि तर यि सिलाइएका ओठले भन्ने गर्छ संगीत,गणित हुन सृस्टिका भाषा सुरु हुन्छ जीवन यो कसैको हाँसोमा र अन्त्य पनि हाँसो नै हो भनी हाँसोले मलाई सिकायो। यि अनेक थरी कुरा सोच्ने गर्छु ओठ टालिएको बेला र अनन्त अन्तर्मनमा बिलाउँछु म दाँत देखिएको बेला दाँत देखिएको बेला।।